Ärdoğan Ärmänstanğa kisätü belderde
Tawlı Qarabaxta solıx kileşüen bozarğa mataşu oçraqları küzätelde
Törkiyä ilbaşı Räcäp Tayyip Ärdoğan Tawlı Qarabaxta solıx kileşüen bozuçı ğamällär qıluçı Ärmänstan köçlärenä tiz arada bu qılanmışlarınnan tuqtarğa kiñäş itte.
Ul Törkiyä belän Rusiyä tarafınnan tözeläçäk Urtaq märkäzdä xezmät itü öçen Azärbaycanğa kitkän ğaskärilärgä telefonnan möräcäğat’ itte. “Sezneñ anda buluığız – illärebez arasındağı mönäsäbätlär kilgän noqtanı kürsätüçe maqtawlı bilge,”-dide Ärdoğan. Ul solıx kileşüeneñ ğamäldä qaluın küzätep baruçı xärbilärgä uñışlar teläde häm tözeläçäk märkäzneñ tiz arada êşli başlawın kötüen äytte.
İlbaşı Ärdoğan ärmän köçläreneñ äle dä Azärbaycan cirlärenä höcüm itüen äytep uzdı häm Ärmänstanğa kisätü belderde.
Bäyläneşle xäbärlär
Fidan - Abdullahiyan söyläşüe
Törkiyä tışqı êşlär ministrı İran wazıyfadaşı belän telefon aşa êlemtägä kerde