Ärdoğan-Mişel’ telefon söyläşüe

İlbaşı idaräseneñ êlemtä räislegennän yasalğan belderügä kürä, Awrupa Berlege Şurası başlığı Mişel’ Awrupa Berlege sammitı turında mäğ’lümat birü häm fikerlär belän almaşu öçen İlbaşı Ärdoğanğa şaltırattı.

İlbaşı Ärdoğan söyläşü waqıtında, Törkiyäneñ kiläçägen Awrupa Berlege belän bergä tözüne uylawın belderep, Törkiyä-Awrupa Berlege mönäsäbätlärendä yasalğan här uñay adımnı yaña forsat täräzäse bularaq bäyäläwlären äytte.

Törkiyä bularaq Awrupa Berlege belän yaña säxifä açarğa telägän çaqta beräwlärneñ krizis çığaru öçen tırışlıq sarıf itüen belderüçe Ärdoğan Törkiyä-Awrupa Berlege mönäsäbätläreneñ şuşı yawız tügäräktän mömkin qadär tizräk qotıluınıñ zarurlığına basım yasadı.

Ärdoğan Törkiyäneñ Greśiya belän aldan söyläşülärne yañadan başlatırğa äzer buluına qat-qat basım yasawına, läkin grek yağınıñ gel yaña sıltawlar uylap çığarıp, söyläşülärdän qaçuına häm soñğı atnalarda qotqı saluçı adımnar yasawına iğ’tibarnı yünältte.

Böten bolar bulğan çaqta Törkiyä säyäsäteneñ barı tik häm barı tik tuğrılıq häm ğadellek nigezendä şäkellänüen belderüçe İlbaşı Ärdoğan Könçığış Urta diñgez mäs’äläsendä dä yaxşı niyät häm konstruktiv totışnı kürsätüçe tarafnıñ Törkiyä buluın, bu mäs’älädä xalıqara konferenśiya oyıştırıluı täq’dimeneñ äle haman östäldä buluın citkerde.

Bu konferenśiyanıñ Tön’yaq Kipr Törek Cömhüriyäte belän ber rättän berkemne dä çitläştermäwneñ möhim buluın assızıqlawçı Ärdoğan Kipr utrawında ğadel, daimi häm däwam itelerlek çişeleş öçen kiräkle tırışlıqnı kürsätüçeneñ härwaqıt törek yağı buluına basım yasadı.

İlbaşı Ärdoğan Liviya, Süriyä, Yuğarı Qarabax kebek Awrupa Berlege tarafınnan problemalı bulıp sanalğan mäydannardan hiçberseneñ Törkiyä-Awrupa Berlege mönäsäbätläreneñ asılı belän bäyläneşle bulmawın, bu ölkälärdä töp nigezlärneñ häm maqsatlarnıñ zur külämdä ber-bersenä turı kilüen äytte.

Törkiyä-Awrupa Berlege mönäsäbätläreneñ soñğı ike yılda qayber äğ’zalärneñ tar mänfäğät’läre belän çiklängän buluına işarä yasawçı Ärdoğan Awrupa Berlege belän qabat zur räsem östennän ike yaqlı fayda nigezendä söyläşä başlawnı teläwlären citkerde.

Ärdoğan uñay kön tärtibe öçen berençe êtapta näticä aluçı räweştä qullanıla alınaçaq çaranıñ 18nçe mart (immigrant) kileşüe (2016) buluın, Awrupa Berlegeneñ Törkiyä mäs’äläsendä aqıllı häm konstruktiv totışnı üz itüen teläwlären belderde.