Ministr hawadan qotlaw cibärde
Xulusi Akar xärbi aviaśiyäneñ yaña oçış-öyränü yılı açılışın küktä bilgeläp uzdı
Törkiyä milli saqlanu ministrı Xulusi Akar xärbi aviaśiyäneñ yaña oçış-öyränü yılı açılışın Êgeynıñ tön’yağındağı hawa kiñleklärendä bilgeläp uzdı. Älege dürtyullı oçışta aña hawa quätläre komandirı, general Xäsän Küçükakyüz yuldaş buldı. Alar Çanakkalä buğazı östennän oçıp Şähitlär häykälen sälamläde.
Akar anda “Cäylan 30” kodı belän oçıştağı başqa xezmätkärlärgä möräcäğat’ itte. “Monda yatuçı häm başqa barlıq ğaziz şähitlärebezgä layıq bulırğa tırışaçaqbız, köräşebezne Çanakkalä ruxı belän däwam itäçäkbez,”-dide ul.
Ministr moña qadär tormışqa aşırılğan uñışlı êşläre öçen xezmätkärlärne qotladı häm yaña oçış yılınıñ da yaxşı uzaçağına ömet belderde.
Bäyläneşle xäbärlär
Ber atna êçendä 38 terrorçı täêsirsez xälgä kiterelde
Bu xaqta Törkiyä milli saqlanu ministrlığınıñ matbuğat cıyılışında citkerdelär