"Ğaläm sınawların başlıybız"

Törkiyä ilbaşı Räcäp Tayyip Ärdoğan ildä uylap çığarılğan sıyıq yağulıqlı raketa motorı texnologiyäseneñ berençe ğaläm sınawları başlayaçağı turında söyençe aldı. Ul Roketsan iyärçen oçırtu, ğaläm sistemaları häm alğa kitkän texnologiyälär tikşerenü üzäge häm şartlawçı çimal citeşterü ob’yektı açılışı tantanasında çığış yasadı. Anda Ärdoğan soñğı 18 yılda saqlanı sänäğate mäydanında zur adımnar yasawların assızıqladı. “2002nçe yılda 62 saqlanu proyektı çığarıla ide, bügen älege san 700gä yaqınlaştı,”-dide ul.

Ärdoğan Süriyädä Törkiyä çige buyınça terrorçılıq koridorı tözergä mataşuların da xäterlätte. “Keşesez qorallı häm qoralsız hawa apparatları çığaruda dön’yadağı täwge 3-4 ilneñ berse – bez. Ğıyraqta häm Süriyädä separatist terrorçı oyışmağa sulış alırğa irek birmibez. Terrorçılarnı urınnarında tabıp yuqqa çığarabız,”-dip söyläde ilbaşı.

Ärdoğan Törkiyäneñ üze çığara aluçı saqlanu sänäğate êşlänmälären çittän satıp aluına riza bulmawın citkerde. “İlebezneñ saqlanu sänäğatendä  gigantlar ligasına keräçägenä ışanam,”-di ul.

Ärdoğan “Atmaca” korabqa qarşı raketanı çığarğannan soñ Törkiyäneñ bu tör qoral citeşterüçe 5 il arasına kerüen asızıqladı. Monnan tış, sıyıq yağulıqlı raketa motorınıñ ğaläm sınawları kötelüen citkerde.