Djeffri Änkarağa kilde

Amerika Quşma Ştatlarınıñ Süriyä maxsus wäkile Djeyms Djeffri citäkçelegendäge delegaśiyä räsmi oçraşular öçen başqala Änkarağa kilde.

Äsänboğa aêroportında alarnı jurnalistlar kötä ide. Biredä Djeffri sorawlarğa cawap birde. Ul üzeneñ Jenevadan kilüen äytte häm Süriyä mäs’äläse belän bäyle söyenderüçe üzgäreşlär barlığın citkerde.

Bilgele bulğança, Jenevada Süriyä konstituśiyä komitetı cıyılışlarınıñ 3nçe turı başlandı. “Yaxşı başlanğıç. Törkiyäneñ barlıq Konstituśiyä komitetı äğ’zaları, bigräk tä oppoziśiyägä köç-quät birep toruı bik yärdäm itte,”-dip söyläde Djeffri.

Ul berniçä komitet äğ’zasınıñ koronavirus testı näticälären kötüen citkerde. “Ämma Konstituśiyä komitetınıñ säyäsi yulda alğa baruın däwam itäçäge häm, çınlap ta, alğarışın tuqtatmayaçağı mäs’äläsendä bik-bik ömetlänäbez,”-dide wäkil.

Djeffri Süriyädäge wäzğıyät’ xaqında bolay dip söyläde: “Bu bäreleşneñ xärbi öslektä tuqtatıluı kiräk. Rejim tarafınnan alınaçaq başqa cir yuq. Anıñ söyläşülär östälenä kire qaytuı häm xalıqara cämäğat’çelekneñ qalğan öleşe belän kileşüe kiräk. Bez moña östenlek biräbez. Törkiyä wäqalätleläre belän monıñ xaqında söyläşäçäkbez”.

Djeffri Törkiyä belän AQŞnıñ berlektäş buluın häm, Süriyä mäs’äläse tışında da, küp mäydannarda monı isbatlawların tağın ber qat xäterlätte.