Törkiyädä 126 sıyınuçı qotqarıldı

İzmir häm Balıkäsirdä Greśiyä yar buyı iminlege xezmätkärläre tarafınnan kire êtelgän 126 sıyınuçı qotqarıldı.

66 migrantnı İzmirneñ Karaburun häm Çişmä rayonnarında kürep alalar. Karaburundağılar rezin köymä belän Greśiyägä taba yözgän, ämma anda alarnı yar buyın saqlawçılar ütkärmi. Köymäne kire êtälär. Törkiyä yarların saqlawçılar älege biçaralarnı sudan alıp çığa. Rezin köymädä barlığı 41 keşe bula.

Tağın ber törkem sıyınuçını Çişmä rayonı sulıqlarında kürep alalar. Andağı rezina köymädäge 25 keşene dä Törkiyä yar buyı iminlege xezmätkärläre alıp çığa.

Sıyınuçılarnı töbäk migraśiyä idaräsenä tapşırdılar.

Balıkäsir töbägeneñ Ayvalık rayonı sulıqlarında isä 60 keşene qotqardılar. Alar da Greśiyägä barıp citä almağan, kire êtelgän. Maqsatları Lesbos utrawına kitü bula.

Şulay uq, Çanakkaleneñ Ayvacık rayonında sıyınuçılar rezina köymä belän Lesbos utrawına yul ala. Ämma, Êgey diñgezdä motorları bozılğannan soñ,  alarnı dulqınnar söyräp yörtä başlıy. Yarıy Törkiyä yar buyı iminlege saqçıları alarnı kürep alıp qotqara. Köymädä 19 keşe bula.