Awrupa Berlege Liviyä xökümäten cäzalıy

Törkiyä tışqı êşlär ministrı Mäwlet Çavuşoğlu räsmi säfär belän Änkarağa kilgän İspaniyäneñ tışqı êşlär, Awrupa Berlege häm xezmättäşlek ministrı Arança Gonsales Laya belän oçraştı. İke wazıyfadaş äñgämädän soñ matbuğat cıyılışı oyıştırdı.

Anda Çavuşoğlu Törkiyäneñ Liviyä belän bäyle söyläşülär alıp baruın äytte. Ministr Awrupa berlegeneñ älege ilgä diñgezdän qoral kertüne çikläwçe çarası xaqındağı fikeren citkerde. “İrini operaśiyäse hiçşiksez taraflı. Xafterga yärdäm itä, Liviyä xökümäten cäzalıy,”-dide Çavuşoğlu.

Ayasofiyanıñ ğıybadätkä açıluı turında da süz buldı. Ministr Greśiyäneñ reakśiyäsenä añlayış kürsätü mömkin tügellegen äytte. “Törkiyä bayrağın yandıru şikelle ğacizlegen kürsätüçe qılanmışlar Greśiyägä kileşä. Ayasofiyanı mädäniyät mirası bularaq saqlawnı däwam itäçäkbez,”-dide ul. Çavuşoğlu İspaniyä häm qayber illärneñ Ayasofiyanıñ Törkiyäneñ êçke mäs’äläse buluın qabul itülären belderde.

Törkiyä ministrı Awrupa Berlegeneñ koronavirus çaraları qısalarında säyäxät isemlegeneñ ob’yektiv kriteriylardan yıraq buluın äytep uzdı. “İsemlekneñ säyäsi qaraşlardan çığıp bilgelänüen küräbez,”-dide ul.