Törkiyägä iñ küp yulçı Awrupadan kilde

11nçe iyün’nän 31 ilgä säfärlär qabat başlaw belän Törkiyägä kerü häm çığularda hawa xäräkätlelege iñ küp bulğan il – Germaniyä. Annan barlığı 124 meñ 767 yulçı kilde. İkençe urında Niderland – 15 meñ 317 keşe. Böyekbritaniyädän oçıp kilüçelär isä 14 meñ 755 buldı.  

Älege illärgä Törkiyädän kitüçelär belän bergä qarağanda tulayım hawa yulı belän säyäxät itüçe sanı Germaniyä belän 166 meñ 214, Niderland belän 20 meñ 41 häm Böyekbritaniyä belän 18 meñ 533 buldı.

Başqa illärgä kilgändä, Franśiyä belän ike arada oçqan tulayım yulçı sanı 14 meñ yarımğa yaqın, annan soñ 9 meñ 764 yulçı belän Şveyśariyä kilä. Bel’giyä belän Törkiyä arasında 9 meñ 684 keşe oçqan.

Oçışlar başlanğan illärdän Törkiyägä kilgän tulayım yulçı sanı iyün’ axırında 234 meñ 279 buldı. Törkiyädän kitüçelär – 98 meñ 552 meñ.

Qara-qarşı oçışlar başlanmağan başqa däwlätlärdän barı êvakuaśiyä säfärläre yasaldı. Anda Törkiyägä kermiçä tranzit oçış belän başqa ilgä kitäse yulçılar da urın aldı.