İtaliyä häm Bolgariyağa oçışlar başlandı

Törek hawa yulları İtaliyä belän Bolgariyağa oçışların qabat başladı. Bilgele bulğança, koronavirus arqasında alar tuqtatılğan ide.

Awrupada Kovid-19dan berençe bulıp häm citdi räweştä zarar kürgän İtaliyägä oçışlar 29nçı fevral’dän tuqtatqan ide. Kiçä irtän Rim-İstanbul häm Milan –İstanbul daimi reysları başlandı.

Rimnan quzğalğan oçqıçta 105 yulçı, Milannıqında - 138 ide.

Törek hawa yulları başlağan bu säfärlärdän berençe êtapta İtaliyädä yäşäw röxsäte bulğannar, sälamätlek yäisä êş arqasında yulğa çığarğa mäcbür qalğannar häm İtaliyä watandaşları faydalana ala.

16nçı martta tuqtatılğan Bolgariya reysları da qabat açıldı. Şirkätneñ Sofiya wäkillegennän belderülärençä, atnada 3 irtän häm 2 kiç – tulayım 5 tapqır yasalaçaq säfärlärneñ tizdän artuı kötelä.