"İñ zur ixtiyacıbız – mediśina xezmätkärläre"

Sancak regionı Bosna milli şurası räise Jasmina Kuriç Törkiyä ilbaşı Räcäp Tayyip Ärdoğanğa xat yullap, aşığıç räweştä mediśina xezmätkärläre cibärüne soradı.

Ul xatında Novi Pazar şähärennän başlap böten Sancakta soñğı könnärdä koronavirus belän köräştä zur awırlıqlar kürülären citkerä. Bigräk tä soñğı 10 köndä regiondağı wäzğıyät’ bik citdi.

Kuriç ilbaşı Ärdoğanğa monnan alda yasağan yärdämnäre öçen zur räxmät belderä.

“Yärdämgä moxtaclarğa härwaqıt qul suzuığıznı küz uñında totıp, sezdän tağın ber tapqır Sancakka aşığıç yärdäm itüegezne sorıym. Xäzerge waqıtta iñ zur ixtiyacıbız – mediśina xezmätkärläre,”-diyelä xatta.

Sancak – Serbiyä belän Qarataw arasındağı küpçelek möselmannar yäşi torğan tarixi region.