“Fatix” köymäse Trabzonda

Törkiyä ilbaşı Räcäp Tayyip Ärdoğan İstanbuldan ozatıp qalğan berençe cirle zondaj köymäse “Fatix” Trabzonğa barıp citte.

Qara diñgezdä zondaj êşçänleklären başqaru öçen İstanbulnıñ ciñep alınuınıñ 567 yıllığında (29 may könne) yulğa çıqqan “Fatix” köymäsen Trabzonda vilayät’ başlığı İsmail Ustaoğlu, Şähär xzqimiyäte Murat Zorluoğlu, Trabzonnıñ İminlek mödire Metin Alper, Yar buyı iminlegeneñ Könçığış Qara diñgez törkem citäkçese, podpolkovnik Dr. Murat Sezgin belän bäyläneşle keşelär qarşı aldı.

Vilayät’ başlığı Ustaoğlu êkipaj belän priyemnik aşa êlemtägä kerep: “Fatix ciñep alğan, Yawız citäklägän, Qanuni tuğan Trabzonğa xuş kildegez. Xodayım sezne saqlasın,” – dide.

Ustaoğlu jurnalistlarğa açıqlaw yasap, “Fatix” zondaj köymäseneñ 15 kön êçendä êzläw êşçänleklären başlataçağın belderde.