İstanbulda zur xastaxanä açıldı

Başakşehir Narat häm Sakura şähär xastaxanäseneñ açılış tantanası uzdı

1421252
İstanbulda zur xastaxanä açıldı

Törkiyä ilbaşı Räcäp Tayyip Ärdoğan İstanbulda tözelgän Başakşehir Narat häm Sakura şähär xastaxanäseneñ açılış tantanasında çığış yasadı.

Bügen nıqlı häm küp ülçämle törek-yapon duslığın tağın da nığıtuların äytkän Ärdoğan: “Xastaxanä êstetik yaqtan ğına tügel, ä texnologik asqorıması, wazğıyäte, mömkinlekläre häm qalğan üzençälekläre belän İstanbulnıñ ğorurlıqlarınnan berse bulaçaq,” – dide.

Törkiyä ilbaşı sälamätlek saqlaw sistemasında İstanbulnıñ üzäkkä äylänüen belderep, İstanbulnıñ şul uq waqıtta xalıqara sälamätlek saqlaw üzäge buluın belderde.

Ärdoğan koronavirus kizüe çorında Törkiyäneñ 80nän artıq ilgä yärdäm qulı suzuın açıqlap, yärdämnärne cibärergä däwam itülären açıqladı.

Açılışta vidokonferenŝiya aşa qatnaşqan Yaponiya prem’yer-ministrı Şinzo Abe da: “Sawlıqnı simvollawçı narat häm Yaponiyaneñ simvolı bulğan sakuranıñ isemen yötüçe xastaxanäneñ İstanbul sälamätlek kiterüen telim,” – dide.



Bäyläneşle xäbärlär