507 törek çit illärdä koronavirustan ülde

Çit illärdä yäşäwçe 507 Törkiyä watandaşı koronavirus säbäple wafat buldı. Bu xaqta tışqı êşlär ministrı Mäwlet Çavuşoğlu belderde. Ul ber şäxsi telekanalda koronavirus belän bäyle sorawlarğa cawap birde.

Ministr äytüençä, xäzerge waqıtta çit illärdä 7 millionğa yaqın törek ğomer sörä. Ul, şulay uq, koronavirus yoqtırğan 500läp tiräse Törkiyä watandaşınıñ törle däwlätlärdäge xastaxanälärdä däwalanuın da äytep uzdı. Andağı törek diplomatik missiyäläre alarnı yalğız qaldırmıy, daimi räweştä xällären beleşep tora.

Çavuşoğlu çit illärdä bulğan häm watannarına qaytırğa teläwçe töreklärne êvakuaśiyäläwneñ däwam itüen assızıqladı. “110 ildän 65 meñnän artıq watandaşıbıznı ilebezgä alıp qayttıq,”-dide ul.  

Ministr Törkiyäneñ üz ixtiyacların ğına qanäğat’länderep qalmıyça, başqa illärgä dä teräk buluın iskä töşerde. “79 ildän kilgän möräcäğat’lärneñ ähämiyätle öleşenä cawap birdek,”-dide Çavuşoğlu.