Greklar qaçaqlarnı ülem qoçağına atqan

Awrupağa qaçuçı migrantlarnı Greśiyä kire bora

1369819
Greklar qaçaqlarnı ülem qoçağına atqan

Awrupağa kitü öçen rezin köymä belän Êgey diñgezenä çıqqan ber törkem qaçaqnıñ Greśiyä yar buyı iminlek äğ’zaları tarafınnan kire borıluı videolarda çağıldı.

Soñğı könnärdä Awrupağa kiçärgä telägän meñnärçä migrant ber yaqtan cir yulı belän Êdirnädä çik buyı qapqalarına kitsä, ikençe yaqtan diñgez yulı belän Greśiyägä taba xäräkät itä.

Rezin köymä belän Greśiyä yarlarına yaqınlaşqan ber törkemne grek iminlek saqçıları üz köymäläre belän êtä. Älege mizgellär kameralarğa êlägä. Köymäläre dulqınğa êläkkän qaçaqlarnı Törkiyä yar buyı iminlege saqçıları qotqara. Alar soñınnan greklarnıñ köymädäge benzin şlanğın kisep xäräkät itülären çikläwen häm, şulay itep, ülem koçağına taşlawların äytä. Qaçaqlar naçar şartlarda diñgez urtasında qala. Alar üzlären qotqarğan Törkiyä yar buyı iminlek sağı xezmätenä räxmätlären citkerä.



Bäyläneşle xäbärlär