Djeffri Änkarada

AQŞnıñ Süriyä maxsus wäkile Djeyms Djeffri citäkçelegendäge delegaśiyä kiçä kiçke säğat’lärdä Änkarağa kilde. Ul matbuğat çaralarına yasağan belderüendä NATOdağı berlektäşläre Törkiyäneñ bügen İdlibtä Rusiyä häm Äsäd rejimınnan kilüçe zur yanaw qarşında toruın äytte. Djeffri anda 3nçe häm 10nçı fevral’dä hälaq bulğan törek xärbiläre nisbätennän qayğı urtaqlaştı.

“Törkiyä xökümäte belän wäzğıyät’ne qarap çığarğa häm mömkin bulğan qadär yärdäm itärgä uylıybız,”-dide ul.

Djeyms Djeffrinı ozatıp yörüçe kiñäşçese Riç Outśen da: “AQŞ isemennän Dimäşq rejimınıñ höcümnären ğayeplibez. Maksimal’ teläktäşlek kürsätergä telibez. Şuña kürä törek berlektäşlärebez belän yaqın êlemtädä torunı däwam itäçäkbez,”-dip belderde.