İstanbul aêroportında yoqı kabinkaları barlıqqa kilde

İstanbul aêroportında yoqı kabinkaları qullanılışqa kerde. Mondıy uñaylılıqnı bik küp çit il aêroportında oçratırğa mömkin.

Yoqı kabinkaları xalıqara terminalda kitüçe yulçılar qatında urnaşqan. Alarnı arendalaw bäyäse säğatenä 9 yevro. Gigiyena mäs’äläse ähämiyätle. Şul nisbättän, här yulçığa buşlay ber tapqır ğına qullanıla torğan cäymä birelä. Odeyal häm mendär şikelle östämä xezmät taläp itelsä, 2 yevro östäp birergä turı kiläçäk. Qullanılğan urın-cir isä ximik çistartuğa cibärelä.

Mini-kabinkalar yulçılarnıñ ixtiyaclarına turı kilä torğan itep yasalğan. Alarnıñ êçendä USB-port häm rozetka bar. Yulçılar alar yärdämendä kesä telefonnarın häm başqa êlektron cihazların êşlätä yäisä tulılandıra ala.  

Yoqı kabinkasınıñ astında isä yulçınıñ qul bagajın quya torğan urın bar.