“Urta diñgezdä xalıqara xoquq nigezendä nindi xaqlarıbız bulsa barısın da qullanaçaqbız”

Törkiyä ilbaşı,”Ğadälät häm qalqınu” partiyäse ğomum başlığı  Räcäp Tayyip Ärdoğan İstanbulda partiyäseneñ cıyılışında yasağan çığışında Törkiyä belän Liviya arasında tözelgän diñgezdä wäqalät mäydannarın çikläw turındağı kileşügä tuqtaldı.

Kileşü tekstınıñ parlamentta raslanuın häm üzeneñ dä aña qul quyuın beldergän Ärdoğan kileşüneñ Berläşkän Millätlär Oyışmasına cibärelüen citkerde.

Ul süzen tübändägeçä däwam itterde:” Urta diñgezdä xalıqara diñgez xoquqı , xalıqara xoquq nigezendä nindi xaqlarıbız bulsa barısın da qullanaçaqbız. İlebez mänfäğäte, xoquqı, xalqıbıznıñ häm duslarıbıznıñ xoquqların saqlap qalu köräşendä gel alğı safta buldıq, bireşmädek, bireşmäyäçäkbez”.

İlbaşı êlekke waqıtlardağı kebek Törkiyäne telägän kebek idarä itä yäisä yul kürsätä almağan öçen qayber illärneñ yarsulanuın,açu –yarsu belän tigezlek- balansnı yuğaltuların belderde.

Süriyä mäs’äläsenä dä tuqtalğan Törkiyä ilbaşı qaysı il liderı belän küreşsä dä “Süriyädän qayçan çigenäsez?”dip sorawların belderep bolay dide:” Beznen Süriyä belän 911 çaqrım  ozınlığında çik buyıbız bar. Sezneñ çik buyığız barmı? Sez anda nişlisez? 32-33 meñ qoralnı kemgä cibärdegez? Terrorçılarğa cibärdegez. Sez annan kitmiçä torıp, Süriyä xalqı da “Sezgä bik zur räxmät, çigenä alasız” dip äytmiçä bez annan çıqmayaçaqbız”.