Ärdoğan Amerikadan qaytıp kitte

Törkiyä ilbaşı Räcäp Tayyip Ärdoğan, Amerika Quşma Ştatlarındağı räsmi oçraşuların tögälläp, şäxsi oçqıç “TRK” belän yulğa quzğaldı. Ul Törkiyä waqıtı belän irtange 5 tulıp 15 minutta qaytırğa çıqtı.

Ärdoğannı Êndryus aviaśiyä bazasında tışqı êşlär ministrı Mäwlet Çavuşoğlu, Törkiyäneñ Vaşingtondağı ilçese Serdar Kılıç häm başqa wäqalätle zatlar ozatıp cibärde.  

İlbaşı belän bergä anıñ xatını Äminä Ärdoğan, qazna häm finans ministrı Bärat Albayrak, milli saqlanu ministrı Xulusi Akar, säwdä ministrı Ruxsar Päkcan, AK partiyä ğomum räise urınbasarı Mahir Ünal, AK partiyä süzçese Ömär Çälik, ilbaşı idaräseneñ êlemtä bülege citäkçese Fäxretdin Altun häm ilbaşı süzçese İbrahim Kalın da Vaşingtonnan kitte.