İzmirgä turı oçışlar

Katar häm Germaniyädän İzmirgä turı oçışlar başlanaçaq. Şähär xakimiyäte wäkile Mäxmät Änsäroğlu beldergänçä, cirlek üzeneñ tabiğıy güzällege häm xalqı belän ildä investiśiyä kerteläçäk iñ qızıqsındıruçı noqtalarnıñ berse. “Yılda 365 könneñ 300ennän kübrägendä räxätlänep xäräkät itü mömkin buluı arqasında İzmir turı oçışlarnı xaq itä,”-di ul. Änsäroğlu biregä tağın da küp investor, turist, säwdägärneñ kilüe töbäk kenä tügel, ilneñ mänfäğatendä buluın assızıqlıy.  

Räsmi mäğ’lümatlar buyınça, Germaniyä belän İzmir arasında turı oçışlar 1nçe iyüñ’nän başlanaçaq. Hawa yulları êlemtäsen Awrupanıñ tağın berniçä şähäre belän urnaştıru planı bar.

Katar belän İzmir arasındağu säfärlär isä 23nçe maydan başlanırğa tiyeş.