49 keşene ütergän terrorçı Törkiyägä dä kilgän bulğan

Yaña Zelandiyäneñ Kraystçerç qalasında 2 mäçetkä höcüm itkän terrorçı Brenton Xarrison Tarrantnıñ 2016 nçı yılda 2 tapqır Törkiyä kilüe bilgele buldı.

TRT World xäbärenä kürä, comğa namazı waqıtında 49 keşene ütergän terrorçı Avstraliya watandaşı Tarrant 2016 nçı yılnıñ 15 nçe iyülendäge tüntäreleş kereşüennän êlek 17-20 nçe mart könnärendä Törkiyädä bula,tüntäreleş kereşüennän soñ 13 nçe sentyabr’dä qabat Törkiyägä kilä.  

Törkiyä räsmi zatları ikençe tapqır kilgändä 43 kön Törkiyädä qalğan Tarrantnıñ terror yäisä üterü operaśiyäse öçen kilep kilmäwen tikşerä.

Avstraliyanıñ “ABC News” media oyışması xäbärenä kürä terrorçı Awrupa, Könyaq - könçığış Aziya häm Könçığış Aziyaga dä säfärlär yasağan ,2018 nçe yılda Paqıstanğa da barğan.

Tarrantnıñ Tön’yaq Koreyada buluın isbatlawçı fotoräsemnär dä bar.

Yaña Zelandiya prem’yer-ministrı Djasinda Ardern matbuğat oçraşuında höcümnär belän bäyle Avstraliya watandaşın da kertep 3 keşeneñ saq astına alınuın beldergän ide.

Ardern saq astına alınğan keşelärneñ berseneñ  dä êlegräk xökemgä tartılmawın ,Yaña Zelandiya yäisä başqa ber cirdä küzläw oyışmaları tarafınnan kontrol’ astında totılmawın äytkän ide.