S-400 raketaları NATOğa yanaw tügel

Törkiyä Böyek Millät Mäclese räise Binali Yıldırım ilneñ Rusiyädän alınaçaq S-400 saqlanu sistemalarınıñ berwaqıtta da NATO däwlätlärenä yanaw bulmawın belderde. Bu xaqta ul Azärbäycanğa räsmi säfäre waqıtında cirle däwlät telekanalı İctimağıy TVdäge ber tapşıruda söyläde.

Binali Yıldırım hawadan saqlanu sistemaların AQŞ yäisä NATO äğ’zası bulğan Awrupa illärennän satıp alırğa tırışıp ta barıp çıqmağannan soñ Rusiyägä möräcäğat’ itülären assızıqladı. Ul raketalarnıñ ayıruça kön’yaq çiklärdän bulğan yanawlarğa qarşı qullanılaçağın äytte.  Yıldırım Törkiyäneñ üz qararların birüçe bäysez däwlät buluın tağın ber qat iskärtte. Ul şul uq raketalarnı Greśiyäneñ dä satıp aluın xäterlätep, barı tik Törkiyägä genä kirtä quyuların tänqıyt’läde.