“Törkiyä belän ike yaqlı faydağa nigezlängän mönäsäbätlär”

Dön’ya başqalalarınnan Törkiyädä 24nçe iyün’dä ütkärelgän ilbaşı häm xalıq ışanıçlısı saylawınnan soñğı bäyäläwlär däwam itä.

Rusiyä tışqı êşlär ministrlığı süzçese Mariya Zaxarova Mäskäwneñ Törkiyä belän ike yaqlı ixtiramğa häm faydağa nigezlängän mönäsäbätlärne üsterüne maqsat itüen belderde.

Atnalıq matbuğat oçraşuında xäbärçelärneñ sorawlarına cawap birüçe Zaxarova Törkiyä belän mönäsäbätlärgä dä tuqtalıp uzdı.

Zaxarova: "İlbaşı Ärdoğan liderlığındağı Törkiyä belän ike yaqlı dokumentlar belän bilgelängän nigezlär qısalarında ike yaqlı ixtiramğa häm faydağa tayanğan mönäsäbätlär qamilläştereläçäk”, - dip äytte.