"Kilӓse ğasır Afrikanıqı bulaçaq"
Ӓrdoğan Ӓnkarağa kilgän Gambiya dӓwlӓt başlığı belӓn matbuğat oçraşuı oyıştırdı
Törkiyӓ ilbaşı Ӓrdoğan mӓnfӓğat’lӓre öçen qan qoyudan taypılmawçı Fӓtullahçı terror oyışması FETÖneñ Törkiyӓgӓ genӓ tügel, ӓ barlıq illӓrgӓ zur yanaw buluın ӓytte.
Ӓrdoğan başqala Ӓnkarağa rӓsmi sӓfӓr yasağan Gambiya dӓwlӓt başlığı Adama Barrow belӓn matbuğat oçraşuı oyıştırdı.
Çığışında FETÖneñ Afrika illӓrendӓge qorılışına tuqtalğan Ӓrdoğan: “Afrikalı duslarıbız oyışmağa qarata ni qadӓr irtӓ çara kürsӓlӓr, üzlӓre, balaları hӓm kilӓçӓklӓre öçen ul qadӓr yaxşı bulaçaq,” – dide.
İke il arasında belem ölkӓsendӓ xezmӓttӓşlek kileşüe imzalawların da assızıqlağan Ӓrdoğan: “Afrika partnyerlık sӓyӓsӓtebez qısalarında qitğadağı tӓraqqıyӓt’lӓrne yaqınnan küzӓtep barabız. Kilӓse ğasır Afrikanıqı bulaçaq. İlebez bu vizion belӓn Afrika illӓre belӓn xezmӓttӓşlegen üsterüdӓ tӓwӓkkӓl,” – dide.
