Êgey diñgezendä kiyerenkelek

Törkiyä Êgey diñgezendä Greśiya belän bulğan kiyerenkelekneñ ike yaq öçen dä kiräksez ikänen belderde. Tışqı êşlär ministrı süzçese Xämi Aqsoy monıñ belän bäyle açıqlaw yasadı: “Ministrlıq kiñäşçese Greśiya Tışqı êşlär ministrlığınıñ gomum särqatibenä şaltırattı häm Êgey diñgezendäge kiyerenkelekneñ ike ölkägä dä fayda kitermäwen, Greśiya tarafınıñ xätär xäräkätlärne tuqtatu kiräklegen açıqtan-açıq anlattı”.

Greśiya tarafı isä rizasızlıq belderä häm üz fikerlärendä qaluın däwam itä.

Bu könnärdä Kardak qıyaları yanında Greśiyäneñ yar buyı iminlek köymäläre xätär xäräkätlär yasağan ide. Törkiyä iminlek xezmätläre dä cawapsız qalmadı, ämma il citäkçelege bu kiyerenkelekne däwam itmäw yağında.