Ärdoğan: “Yazmışıbız da, qayğıbız da urtaq”
İlbaşı Räcäp Tayyip Ärdoğan Baxreyn belän bu cirlärdä yazmışıbıznıñ da, qayğıbıznıñ da urtaq buluın äytte
Räsmi säfär belän Baxreynğa kitkän İlbaşı Ärdoğan: "Bu geografiyälärdä yazmışıbız da, qayğıbız da urtaq. Bu cirlärdä uzğanıbız da, kiläçägebez dä ber. Anda yäşäwçe qardäşlärebezneñ kürgännäreneñ irtägä bezneñ dä kürmäyäçägeneñ dä garantiyası yuq”, - dip äytte.
İlbaşı Ärdoğan Baxreyn Premyer-ministrı Halifä bin Salman Al Halifä häm Baxreyn täxet warisı prinś Salman bin Hamad Al Halifäne qabul itte.
Matbuğatqa yabıq kileş ütkärelgän oçraşu yaqınça ber säğät däwam itte.
İlbaşı Ärdoğan qabul itüdän soñ Baxreyn Premyer-ministrı Halifä bin Salman Al Halifä belän bergä matbuğat oçraşuın oyıştırdı.
İlbaşı Ärdoğan: "Êtnik üzañ, tel, qabilä, tös häm mäzhäb nigezendä ber-bersenä yat qılınğan, çitläşterelgän möselmannar Süriyädä, Ğiraqta, Liviyada, Yämändä häm tağın şaqtıy urında üz-üzlären beterä.," - dip äytte.
İlbaşı Ärdoğan: "Xäzerge waqıtta dönyanıñ qayber urınnarında terrorçılıq belän İslamnı yänäşä quyuçılar bar. Biredän qabat belderäm: radikalizm belän İslamnı berkem dä yänäşä quymasın. Çönki İslam radikallekne qabul itmäs”, - dip basım yasadı.
