“Gülänneñ êşçänlekläre böten dönyada tıyılırğa tiyeş”

 Törkiyä ilbaşı Räcäp Tayyip Ärdoğan  Amerika Quşma Ştatlarınıñ Fätullah Gülän öçen sıyınu urını bulmawı kiräklegen belderde.

Ärdoğan Berläşkän Millätlär Oyışmasınıñ 71 nçe ğomum şura söyläşülärendä qatnaşu öçen kitkän AQŞTa “Reuters” xäbär agentlığına intervyu birde.

İntervyusında AQŞta yäşäwçe “Fätullahçı terror oyışması” liderı Fätullah Gülänneñ iñ qısqa waqıtta saq astına alınuı häm Törkiyägä qaytarıp birelüe kiräklegen beldergän ilbaşı Ärdoğan “Gülänneñ êşçänlekläre böten dönyada tıyılırğa tiyeş”dide.

İlbaşı “Fätullahçı terror oyışması”nıñ 15 nçe iyül’däge tüntäreleş kereşüennän soñ ildä iğlan itelgän ğadättän tış xälneñ Törkiyä Böyek Millät Mäclese tarafınnan ozınaytıla alacağına basım yasadı.

Ärdoğan sıyınuçı kileşüe belän bäyle Awrupa Berlegeneñ söyläşülär barışında Törkiyägä bürgän süzlären totmawın citkerde.

İlbaşı Törkiyäneñ Berlekkä äğzalığı belän bäyle Awrupanıñ bu mäs’älädä êçkersez buluı kiräklegen assızıqladı.

Süriyädäge krizisqa da tuqtaluçı Törkiyä ilbaşı küçü barışında Bäşar Äsädkä urın bulmawın belderep ilneñ cir bötenlegenä xörmät kürsätü kiräklegen citkerde.