Gülänne AQŞta saq astına alu taläbe

İstanbul Cömhüriyät baş prokuraturası “FETÖ” citakçese Fätullah Gülänne saq astına alu taläben üz êçenä aluçı yazunı AQŞ räsmi organnarına citkerü öçen ğadälät ministrlığına cibärde

551276
Gülänne AQŞta saq astına alu taläbe

 

 İstanbul Cömhüriyät baş prokuraturası “Fätullahçı terror oyışması/parallel’däwlät qorılışı”nıñ 15 nçe iyül’ tüntäreleş kereşüe boyırığın birüe bilgelängän “FETÖ” citakçese Fätullah Gülänne saq astına alu taläben üz êçenä aluçı yazunı Amerika Quşma Ştatları räsmi organnarına citkerü öçen ğadälät ministrlığına cibärde.

İstanbul Cömhüriyät baş prokuraturasınıñ terror häm oyışqan cinayätlär tikşerü byurosı prokurorı Can Tuncay äzerlägän yazuda 15 nçe iyül’dä “FETÖ”äğzası bulğan keşelär tarafınnan Törkiyä Cömhüriyäte xökümätenä qarşı tüntäreleş kereşüe başqaru belän bäyle tikşerü alıp barıluı assızıqlandı.

Tüntäreleş kereşüeneñ “FETÖ”citäkçese Gülän boyırığı belän başqarılunıñ açıqlanuı citkerelgän yazuda tübändäge yullar urın ala:

"Törkiyä Cömhüriyäte xökümäten bärep töşerü yäisä wazıyfasın başqaruın totqarlawğa kereşü, ilbaşın üterergä kereşü, Törkiyä Böyek Millät Mäclesen yuqqa çığaru yäisä wazıyfasın başqarunı totqarlawğa kereşü, däwlät mölkätenä zıyan salu,keşe yaralaw,keşene däwlät wazıyfası säbäbe belän planlalştırıp üterü,yanaw yäisä mäker ,xäylä qullanıp keşene xörriyätennän mäxrüm itü cinayätlärennän tikşerü alıp barılğan terror oyışması citäkçese şikle Fätullah Gülänne xäzerge waqıtta yäşägän urını AQŞqa kire qaytarıp birü taläbe cibärelgänçe Törkiyä Cömhüriyäte belän AQŞ arasındağı “Ğayeplelärne kire qaytarıp birü häm cäza êşlärendä ike yaqlı yärdäm kileşüe”neñ 10 nçı maddäse kirägençä waqıtlıça saq astına alınuı sorala”.

 



Bäyläneşle xäbärlär