Türkiye Tel'-Avivğa ilçe bilgeliyӓçӓk

Bu xaqta Tışqı êşlӓr ministrı Mӓwlüt Çavuşoğlu citkerde

1869156
Türkiye Tel'-Avivğa ilçe bilgeliyӓçӓk

Türkiye İzrail başqalası Tel'-Avivğa ilçe bilgeliyӓçӓk.

Bu xaqta Tışqı êşlӓr ministrı Mӓwlüt Çavuşoğlu başqala Ӓnkarada Qırğızstan tışqı êşlӓr ministrı Ceenbek Kulubayev belӓn söylӓşkӓnnӓn soñ oyıştırılğan matbuğat oçraşuında belderde.

İzrail belӓn mönӓsӓbӓtlӓrgӓ tuqtalğan ministr ӓlege il belӓn Türkiye arasında ike yaqlı bularaq ilçe bilgelӓw qararınıñ qabul itelüen açıqladı.

İzrailda yaña xökümӓt wazifağa kilgӓnnӓn soñ dialog prośessınıñ başlanuın xӓterlӓtkӓn Çavuşoğlu: “Mönӓsӓbӓtlӓrneñ normal’lӓşüe mӓs’ӓlӓsendӓ yasalaçaq adımnar arasında tulı wӓqalӓtle ilçelӓrneñ bilgelӓnüe dӓ bar ide. Monnan alda bu mӓs’ӓlӓdӓ êşçӓnleklӓr başlatuıbıznı citkergӓn idek. İzrail uñay adım yasadı. Türkiye bularaq İzrailğa ilçe bilgelӓw qararın qabul ittek. Xӓyerlese bulsın. Monnan soñ isemnӓrne bilgelӓw bulaçaq. Fӓlӓstinneñ xaq-xoquqların yaqlarğa dӓwam itӓçӓkbez,” – dide.

İzrail prem’yer-ministrı ofisınnan yasalğan açıqlawda da İzrailneñ Türkiye belӓn diplomatik mönӓsӓbӓtlӓren qabat urnaştıraçağı belderelde.

İzraildağı Ministrlar kabinetınıñ Tvitterdağı akkauntında bolay diyelӓ: “Türkiye belӓn mönӓsӓbӓtlӓrneñ qabat başlanuı regional’ totrıqlılıq öçen möhim, İzrail watandaşları öçen bik möhim iqtisadi xӓbӓr. İzrailneñ dön’yadağı xӓlen yaxşırtırğa dӓwam itӓçӓkbez. Prem’yer-ministr Lapid hӓm Türkiye prezidentı Räcäp Tayyip Ärdoğan arasındağı söylӓşüdӓn soñ İzrail hӓm Türkiye tulı diplomatik mönӓsӓbӓtlӓrne qabat qordı.”



Bäyläneşle xäbärlär