“Balalarnı, bişektäge bäbilärne üterüneñ bernindi aqlawı da bula almıy"

İlbaşı Räcäp Tayyip Ärdoğan Törkiyäneñ Fälästin xalqı häm Ğazzädäge qardäşlärne yaqlawın belderde. Änkarada uzuçı ilçelär konferenśiyäsendä yasağan çığışında ul İzrailneñ tınıç xalıqqa höcümnären ğayepläde.

“Balalarnı, bişektäge bäbilärne üterüneñ bernindi aqlawı da bula almıy,”-dide Ärdoğan.

İlbaşı üz çığışında Süriyädä yaña operaśiyä başlaw belän bäyle belderülär dä yasadı.

“Kön’yaq çigebez buylap 30 çaqrımlıq imin töbäk buldıru qararıbız üz köçendä. Süriyädä terrorçı oyışması oyalağan soñğı cirleklärne dä çistartıp bu iminlek quşağınıñ bocraların tizdän berläşteräçäkbez,”-dide Ärdoğan.

Törkiyä ilbaşı soñğı waqıtta Azärbaycan belän Ärmänstan arasında bulğan waqıyğalarğa da tuqtaldı.  

“Ärmänstan waqıyğalarnı döres añlap Azärbaycan häm Törkiyäneñ çaqırularına cawap birsä, regionıbızda totrıqlılıq urnaşaçağına ışanam,”-dide ul.