Ärdoğan belän Putin oçraştı

İke lider İran başqalası Tähranda küreşep söyläşte

1857000
Ärdoğan belän Putin oçraştı

Törkiyä ilbaşı Räcäp Tayyip Ärdoğan Astana oç’yaqlı sammitı qısalarında İranğa kilgän Rusiyä däwlät başlığı Vladimir Putin belän kiçä kiç küreşep söyläşte.

Bu ike lidernıñ 24nçe fevral’dä Rusiyä-Ukraina suğışı başlanudan soñ berençe tapqır küzgä-küz oçraşuı. Ul Tähran xalıqara konferenśiyä zalında ütte.

Ärdoğan äñgämäne räxmät äytüdän başladı. Ul qara-qarşı utırıp söyläşä almağan waqıtta Rusiyä belän diplomatiyäne telefon aşa alıp baruların xäterlätte. Ärdoğan kiçä dä Astana formatı qısalarında bergä cıyılularınıñ zur mömkinlek buluın assızıqladı.

“Aradaşçılıq formatında da Rusiyäneñ yaqınlaşuı uñay yünäleştä däwam itä. Mart ayında uzğan soñğı İstanbul söyläşülärendä dä Rusiyä delegaśiyäseneñ poziśiyäse bik uñay ide. Monnan alınaçaq näticä böten dön’yağa uñay täêsir itäçäk,”-dip söyläde Törkiyä ilbaşı.



Bäyläneşle xäbärlär