Törkiyä 15 iyul'ne onıtmayaçaq

6 yıl êlek şuşı könne 2016nçı yılnıñ 15nçe iyül’ könne Törkiyä xain tüntäreleş omtılışı belän qara-qarşı qaldı

1855587
Törkiyä 15 iyul'ne onıtmayaçaq

2016nçı yılnıñ 15nçe iyule İstanbulda normal’ kön kebek başlanıp kitte. Läkin ozaqlamıy tarix yazılğan onıtılmaz töngä äylände. Comğa könne kiçke 10da şähär simvollarınnan bulğan Boğaziçi küpere häm Fatix Soltan Mäxmät küpere ğaskärlär häm berleklär tarafınnan maşinalar öçen yabıldı.

Tarık Sebik – şahit: “Tanklar yulnı yapqaç yulda böke çıqtı. Bez dä närsä bar mikän dip qarıy başladıq çönki bu yuldağı böke mägnäsez bulıp toyıldı."

Berazdan xärbi boralaqlar keşelärgä ut aça başladı. Ul waqıttağı prem’yer-ministr Binali Yıldırım açıqlaw yasap, armiya êçendäge ber törkemneñ xökümätne bärep töşerergä tırışuın äytte. Änkaradağı İlbaşı Sarayı häm Mäcles tä bulğan şaqtıy bina xökümätneñ üz F-16 oçqıçları tarafınnan bombağa totıldı. Televideniye kanallarınıñ tapşıruları tuqtatıldı. TRT diktorına turıdan-turı êfirda tüntäreleş belderegesen uqıttılar. Törek xalqı närsälärneñ bula alaçağın abaylap almasa da, uylap tormıyça uramnarğa ağıldı. Tüntäreleşne tuqtatu öçen tank aldına bastı. Törkiyä ilbaşı Ärdoğan turıdan-turı êfirda xalıqqa möräcäğat’ itte:

"“Millätebezgä süzem bar. Xalqıbıznı vilayät’lärebez uramnarı, mäydannarına çaqıram. Aêroportlarına çaqıram. Millät bularaq mäydannarda, aêroportlarda cıyılıyq häm bu azçılıq törkemeneñ tankları belän qarşı torıyq.”

İldä meñnärçä watandaş bu çaqıruğa qolaq saldı häm tañ atqançı batırlarça qarşı tordı. İkençe könne qoyaş çıqqanda tüntäreleş kereşüe watanpärwär millät tarafınnan tarmar itelde. Kereşüdä qatnaşqan xärbilärneñ kübese şunduq qulğa alındı häm qalğannarı da irtänge sägät’lärdä birelde. Artımdağı küper bu berdämlekneñ simvolı bulıp tora. 30dan artıq keşe 15nçe iyul’ tönendä Törkiyä demokratiyasen saqlağanda biredä şähit buldı. 15 iyul’ Şähitlär küpere tüntäreleş kereşüeneñ 6 yıllığında tağın ber qat ilneñ kön tärtibendä bulaçaq, qoyılğan qan öçen tügel, ber millätne watan söyüe belän berläştergäne öçen.”

Bera Karaman, TRT World, İstanbul.



Bäyläneşle xäbärlär