"Şveŝiya 73 terrorçını bezgä cibäräçäk"

Bu turıda Törkiyä ilbaşı Räcäp Tayyip Ärdoğan belderde

1850764
"Şveŝiya 73 terrorçını bezgä cibäräçäk"

Törkiyä ilbaşı Räcäp Tayyip Ärdoğan İspaniyada uzğan NATO däwlät häm xökümät başlıqları oçraşuınnan soñ jurnalistlarğa açıqlaw yasadı.

Şveŝiyaneñ qaçqan 73 terrorçını Törkiyägä tapşırırğa süz birüen xäterlätkän Êrdoğan: “Şveŝiya 73 terrorçını bezgä cibäräçäk. Xäzerge waqıtta 3-4esen cibärdelär. Läkin bolar bezneñ öçen citärle tügel. Bolarnı hiçşiksez Ğadälät ministrlığıbız, Tışqı êşlär ministrlığıbız, Milli küzläw oyışmabız yaqınnan küzätäçäk häm “Bu terrorçılar cibäregez” dip äytäçäk. Bolar kilmäsä, kiräkle êşçänlekne oyışmalarıbız häm berämleklärebez başqaraçaq,” – dide.

Törkiyä däwlät başlığı tübändägeçä däwam itte: “Birelgän süzlär möhim läkin ğamälgä kerüe tağın da möhimräk. Monnan soñ PKK häm FETÖ terrorçıları öçen terror propagandası oyıştıru, ilebez häm watandaşıbızğa höcüm itü awır bulaçaq.”

Êrdoğan oçraşu qısalarında ütkärelgän söyläşülär belän terror oyışmaları PKK/PYD/YPG, FETÖneñ NATOnıñ yazma xisaplarına kerüen dä açıqladı.

“Bu êşneñ yazma xisapta buluı berençe tapqır kürelä. Yägni PKK Awrupa Berlege tektlarında bar ide läkin YPG/PYD häm FETÖ terror oyışmaları yuq ide,” – dide Törkiyä liderı.



Bäyläneşle xäbärlär