Djonson Ärdoğannıñ aşlıq krizisındağı liderlığın yuğarı bäyäläde

Angliya Baş ministrı Boris Djonson Rusiyä-Ukraina suğışı arqasında yäşängän aşlıq krizisına çişeleş tabıluı mäs’äläsendä İlbaşı Räcäp Tayyip Ärdoğannıñ liderlığın yuğarı bäyäläde

1850259
Djonson Ärdoğannıñ aşlıq krizisındağı liderlığın yuğarı bäyäläde

Angliya Ministrlar Kabinetı süzçese Djonson belän Ärdoğannıñ İspaniya başqalası Madridtağı NATO sammitı qısalarında IFEMA Kongress üzägendä ütkärgän ike yaqlı oçraşu turında belderü yasadı.

Belderüdä Djonsonnıñ, Törkiyä, Şveśiya häm Finlyandiya qul quyğan öç yaqlı memorandumnan qänäğät buluı iskärtelep uzılıp:

"(Djonson) Bezne tağın da qurqınıç un yıl kötkän çaqta Finlyandiya häm Şveśiyanıñ NATOğa quşıluınıñ ittifaqnı tağın da köçäytäçägen äytte. Baş ministr Djonson İlbaşı Ärdoğannıñ Ukrainadan aşlıqnıñ çığarıluı mäs’äläsendäge liderlığın yuğarı bäyäläde. Djonson Rusiyä İlbaşı Vladimir Putinnıñ Ukraina portlarına qarata däwam itkän qamawınıñ häm Ukrainada häm dä dönyada xalıqara humanitar krizis tudıruına basım yasadı”, - dip äytelde.

Belderüdä ike lidernıñ Angliya belän Törkiyä arasındağı mönäsäbätne bigräk tä “texnologiya häm ênergetika” ölkälärendä arttırunı quzğatuı äytelep: "(Liderlar) İke il arasındağı säwdä xäräkätlelegen tağın da üsterep, häm Angliya häm dä Törkiyä öçen êş urınnarınıñ buldırıluı häm iq’tisadi üseşneñ artuına yärdäm itäçäk çaralarnı kürü mäs’äläsendä kileşte”, - dip belderelde.



Bäyläneşle xäbärlär