İran ministrı: “Törkiyäneñ iminlek borçıluları xäl itelergä tıyış”

İran tışqı êşlär ministrı Xösäyen Ämir Abdullahiyan Süriyädä Törkiyäneñ iminlek borçılularınıñ tiz arada häm daimi räweştä xäl itelüeneñ zarurlığın äytte

1849161
İran ministrı: “Törkiyäneñ iminlek borçıluları xäl itelergä tıyış”

Abdullahiyan düşämbe könne başqala Änkarada Tışqı êşlär ministrı Mäwlüt Çavuşoğlu belän ütkärgän söyläşülärdän soñ urtaq matbuğat oçraşuında çığış yasadı.

Törkiyäneñ Süriyä mäs’äläsendä telgä alğan borçıluları belän bäyle bularaq Abdullahiyan:

"Bez Törkiyäneñ bu mäs’älädäge iminlek borçıluların bik yaxşı añlıybız. Ber ük waqıtta maxsus operaśiyanı kön tärtibenä aluın da añlıybız. Bu mäs’älädä qıymmätle wazıyfadaşım Çavuşoğlu belän tafsille itep söyläştek. Törek tarafınıñ, törek iptäşlärebezneñ iminlek borçılularınıñ tiz arada häm daimi räweştä xäl itelüeneñ zarurlığına ışanabız”, - dide.

Törkiyäneñ Qudüs-Yerusalim häm Fälästin däğwası mäs’äläsendäge qaraşın härwaqıt belülären häm moña ışanuların citkerüçe Abdullahiyan: "Törkiyä Qudüs däğwasınnan, Fälästin däğwasınnan berqayçan da waz kiçmäde, waz kiçmäyäçäk. Läkin sionistlar qayçan qaya barsalar da härwaqıt anda iminsezlekne, nizağnı alıp kiterdelär”, - dip äytte.

İrannıñ kürşeläre belän mönäsäbätlären tağın da arttıru häm nığıtu telägenä tuqtalıp uzuçı Abdullahiyan: "İran İslam Cömhüriyäte öçen Törkiyäneñ iminlege İrannıñ iminlege dimäk. Bezneñ töbäkkä, dus häm qardäş ilgä (Törkiyägä) xäyırdän başqa ber telägebez yuq”, - dip iskärtep uzdı.



Bäyläneşle xäbärlär