“Baykar” Ukrainağa hawa apparatın büläk itte

“Baykar” 3 tanä “Bayraktar TB2 SİHA” keşesez qorallı hawa apparatın buşlay Ukrainağa büläk itte

1849255
“Baykar” Ukrainağa hawa apparatın büläk itte

“Baykar”nıñ “Twitter” akkauntınnan yasalğan belderüdä:

"Ukraina xalqınıñ watannarın saqlaw öçen “Bayraktar TB2 SİHA” aluı maqsatınnan çığıp “Xalıqnıñ Bayraktarı” iseme belän oyıştırğan aqça cıyu kampaniyasınıñ bik qısqa waqıtta uñışlı tämamlanuın belep aldıq”, - dip äytelde.

Cämäğätçelekneñ tanılğan şäxesläreneñ, jurnalistlarnıñ, sänğätçelärneñ, futbolçılarnıñ, êşmäkärlärneñ, ğadi keşelärneñ, xätta balalarnıñ bu kampaniyanıñ uñışlı bula aluı öçen zur yäki keçkenä külämdä aqçalata yärdäm itep, illärenä teläktäşlek öçen öleş kertüe citkerelgän belderüdä:

"Watanpärvär Ukraina xalqınıñ bilgelägän maqsatlarına ireşü teläge häm teläktäşlek ruxı bezgä dä täêsir itte. “Baykar” bularaq cıyılğan aqça belän alınuı maqsat itelgän 3 danä “Bayraktar TB2 SİHA”nı tulısınça buşlay Ukrainağa büläk itäbez. Bu maqsat öçen cıyılğan böten aqçanıñ isä Ukrainanıñ däräcäle xalqınıñ faydasına qullanıluın sorıybız. “Baykar” bularaq ğadel çişeleşne telägänebezne häm daimi tınıçlıq öçen doğa qıluıbıznı xörmät belän belderäbez”, - dip äytelde.



Bäyläneşle xäbärlär