Räisi häm Lavrov fiker alıştı

İran İlbaşı İbrahim Räisi belän Rusiyä tışqı êşlär ministrı Sergey Lavrov ike il arasında xezmättäşlekne häm koordinaśiyanı nığıtu turında söyläşte

1847319
Räisi häm Lavrov fiker alıştı

İrannıñ “İRNA” räsmi xäbär agentlığına kürä, İbrahim Räisi räsmi qunaq bularaq başqala Tähranğa kilgän Rusiyä tışqı êşlär ministrı Lavrov belän oçraştı.

Räisi häm Lavrov ike yaqlı mönäsäbätlär belän bergä regional’ häm xalıqara mäs’älälär turında fiker alıştı.

İlbaşı Räisi ile belän Rusiyä arasında alıp barılğan söyläşülärneñ häm cıyılışlarnıñ ike ilneñ yaña strategik xezmättäşlek çorın şäkelländerü mäs’äläsendäge citdi iradäsen kürsätüen äytte.

Räisi: "Xezmättäşlekneñ häm koordinaśiyanıñ köçäytelüe – Amerika Quşma Ştatlarınıñ bäysez illärgä qarşı qullanğan iq’tisadi çikläwlärenä häm ber yaqlılıqqa qarşı êffektiv strategiya”, - dip äytte.

Ukrainadağı soñğı xällärgä dä iğ’tibarnı yünältüçe Räisi suğışnıñ tiz arada beterelüeneñ ähämiyätenä häm ileneñ diplomatik çişeleş öçen yärdäm kürsätergä äzer buluına basım yasadı.

NATOnıñ Könbatış Aziya, Qavqaz häm Urta Aziya kebek dönyanıñ törle töbäklärendä “êkspanśionistik säyäsät” alıp baruı fikeren yaqlap, moña qarşı çığıluınıñ zarurlığın iskärtep uzuçı Räisi: “Bu bäreleşlärneñ barlıqqa kilüendä AQŞ häm NATO provokaśiyalarınıñ rol’ uynawında şöbxä yuq”, - dip belderde.

Rusiyä tışqı êşlär ministrı Lavrov ta Tähran-Mäskäw xezmättäşlegeneñ iq’tisad ölkäse belän bergä törle yaqları turında bäyäläwlär yasadı. Lavrov Rusiyäneñ İran belän xezmättäşlekne strategik däräcägä citkerergä äzer buluın belderde.

İrannıñ Şanxay xezmättäşlek oyışmasına äğ’za buluına da tuqtalıp uzuçı Rusiyä ministrı ileneñ İrannıñ regional’ häm xalıqara oyışmalardağı rölen kiñäytüenä birgän yaqlawın täqrarladı.



Bäyläneşle xäbärlär