NATOdan Törkiyä turında belderü

NATO ğomum särqatibe Yens Stoltenberg Törkiyäneñ borçuların beterü öçen qullarınnan kilgänne êşläyäçäklären äytte

1845584
NATOdan Törkiyä turında belderü

NATO ğomum särqatibe Yens Stoltenberg Törkiyäneñ strategik ähämiyätkä iyä däwlät buluın tağın bar qat xäterlätte. Ul Germaniyäneñ Bild gazetına interv’yusında Finlyandiyä häm Şveśiyäneñ ittifaqqa kerüe mäs’äläsenä qağıldı. “Äğ’zalıq möräcäğat’läre - quldan ıçqındırılmasqa tiyeşle tarixi mizgel. Quşıluları barı Finlyandiyä häm Şveśiyägä genä tügel, barıbızğa köç östiyäçäk,”-dide Stoltenberg.

NATO başlığı ittifaq’tağı däwlätlär, Şveśiyä, Finlyandiyä häm Awrupa Berlegeneñ PKKnı terrorçı oyışma bularaq bilgeläwen iskärtte. “Törkiyä - Awrupa, Rusiyä, Ğıyraq häm Süriyä mäs’äläsendä strategik ähämiyätkä iyä NATO däwläte,”-dide ul. Stoltenberg ittifaqtağı başqa illärneñ hiçberseneñ terrorçılıqtan Törkiyä qadär zarar kürmäwen assızıqladı häm, şul säbäple, anıñ borçuların citdi qabul itülären, alarnı beterü öçen qullarınnan kilgänne êşläwlären belderde.



Bäyläneşle xäbärlär