"Ukrainadan aşlıq êksportı tormışçan ähämiyätle"

Törkiyä tışqı êşlär ministrı Mäwlet Çavuşoğlu Ukraina portlarındağı aşlıqlarnıñ êksportı qarşındağı kirtälärne alunıñ, bigräk tä, artta qalğan illär öçen tormışçan ähämiyätkä iyä buluın belderde. Ul Çexiyä başqalası Pragada wazıyfadaşı Yan Lipavski belän qara-qarşı häm delegaśiyälärara oçraşulardan soñ jurnalistlar qarşına çıqtı.

Ukraina aşlığınıñ tışqı bazarlarğa çığaru mömkinlege mäs’äläsendäge wäzğıyät’ turındağı sorawğa Çavuşoğlu Rusiyä tışqı êşlär ministrı Sergey Lavrov belän başqala Änkarada uzğan söyläşüdä bu temanı kütärülären äytte.

“Aña aşlıq êksportı mäs’äläsendä BMO planınıñ iñ döres plan buluın häm monıñ detal’lären söyläşü kiräklegen äyttek. Şul säbäple kiläse çorda BMO-Törkiyä-Ukraina häm Rusiyä dürt’yaqlı utırışın ütkärergä äzer buluıbıznı belderdek. Bu BMOnıñ täq’dime ide,”-dide Mäwlet Çavuşoğlu.

Törkiyä tışqı êşlär ministrı xäzer Rusiyädän bu mäs’älädä cawap kötülären citkerde.