Ğıyraqnıñ tön’yağınnan şähit xäbäre kilde

Ğıyraqnıñ tön’yağında Pänçä-Kilit operaśiyäse töbägendä 1 törek ğaskäriye şähit buldı, tağın berse yaralandı.

Törkiyä milli saqlanu ministrlığınnan citkerülärençä, terrorçılar urnaştırğan şartlatqıçqa êlägep serjant Xäsän Çatal hälaq bula.

Yaralanğan xezmätkärne isä kiçekmästän xastaxanägä salalar, anı däwalaw däwam itä.

Ministrlıqtan yasalğan belderüdä mondıy yullar bar: “Bezne tirän ärnü häm qayğığa batırğan bu waqıyğada ğomere özelgän ğaziz şähitebezgä Allahtan yarlıqaw sorıybız, xäsrät eçendäge ğailäse, Törek qorallı köçläre häm asıl millätebezneñ qayğısın urtaqlaşabız, sabırlıq telibez. Yaralanğan xezmätkärebezgä tizräk terelelü telibez”.

Milli saqlanu ministrı Xulusi Akar häm ilbaşı kiñäşçese Foat Oktay sośial’ media aşa hälaq bulğan ğaskäri öçen qayğınamä urtaqlaştı.