Törkiyä Milli İminlek şurası beldergese

Milli İminlek şurası İlbaşı Räcäp Tayyip Ärdoğan räislegendä cıyıldı.

Cıyılıştan soñ yasalğan beldergedä:

“Kön’yaq çik buylarıbızda ütkärelgän häm başqarılaçaq xäräkätlärneñ kürşelärebezneñ cir bötenlegen nişan itep almawı, milli iminlek ixtıyacınıñ zaruriyäte buluı belderelde,” – dip citkerelep, çik ar’yağı xäräkätläreneñ kürşelärneñ xozurı öçen dä oyıştırıluı bilgeläp uzıldı.

“Terrorçılıqqa yaqlaw kürsätep, xalıqara xoquqnı bozuçı illärgä şuşı totışların beterü, Törkiyäneñ iminlek sizgerleklären iğ’tibarğa aluı çaqıruı da yasalğan beldergedä: “Xalıqara ittifaqlarda härwaqıt berlektäşlek ruxın häm xoquqın ütäwçe Törkiyäneñ şuşındıy uq cawaplılıqnı häm êçkersezlekne berlektäşlärennän dä kötüenä basım yasaldı,” – dip äytelde.

İlbaşı Ärdoğan düşämbe könge Ministrlar Şurası cıyılışınnan soñ yasağan belderüendä:

“Kön’yaq çik buylarıbızda 30 çaqrım tiränlektä qurqınıçsız töbäklär buldıru öçen bez başlatqan êşçänlekneñ citeşsez öleşe belän bäyle yaña adımnarnı da yasıy başlıybız. İlebezgä häm qurqınıçsız töbäklärebezgä yış-yış yasalğan höcümnärneñ töp oyıştırıluı mäydannarı – bezneñ xäräkät prioritetlarıbız. Törek qorallı köçlärebez, iminlek köçlärebez, küzläw oyışmabız äzerleklären tämamlaw belän bu operaśiyälär başlanaçaq,” – dip äytkän ide.