Ärdoğan belän Djonson söyläşte

Törkiyä ilbaşı Räcäp Tayyip Ärdoğan Angliyä xökümäte räise Boris Djonson belän telefonnan söyläşte. Anda Törkiyä belän Böyekbritaniyä arasındağı mönäsäbätlärdän tış Şveśiyä häm Finlyandiyäneñ NATOğa kerü ğarizası, Ukrainadağı suğış häm başqa regional’ mäs’älälär kütärelde.

Söyläşü waqıtında Ärdoğan Şveśiyä belän Finlyandiyäneñ terrorçı oyışma PKK/YPG kontrolendäge oyışmalar häm şäxeslär belän mönäsäbätläreneñ töp problema buluın äytte. Ul älege däwlätlärneñ NATO qıymmätlären yaqlayaçağı häm Törkiyäneñ qanunlı borçularınıñ döres ütälüenä ışanırğa teläwlären belderde. İlbaşı terrorçılıqqa teläktäşlek birüçe illärneñ ittifaqqa kerergä teläwlärenä qarşı Törkiyä cämäğat’çelegendäge rizasızlıqnıñ iğ’tibarsız qalmasqa tiyeşlegen äytte.