"Finlyandiyä häm Şveśiyä ber terrorçını da tapşırmadı"

Törkiyä ğadälät ministrı NATO äğ’zalığı kön üzägendä bulğan ike ilneñ terrorçı oyışmaların üz qanatları astına aluına rizasızlıq belderde

1828368
"Finlyandiyä häm Şveśiyä ber terrorçını da tapşırmadı"

Törkiyä ğadälät ministrı Bäkir Bozdağ Finlyandiyä häm Şveśiyäneñ bügengä qadär alardan sorağan ber genä terrorçını da tapşırmawların belderde. Ul başqala Änkarada yasağan çığışında NATO äğ’zalığı kön üzägendä bulğan ike ilneñ terrorçı oyışmaların üz qanatları astına aluına rizasızlıq belderde.

“Xäzerge waqıtta terrorçı oyışmalarına, qızğanıçqa, bik küp Awrupa Berlege däwläte häm Amerika Quşma Ştatları citdi, açıqtan-açıq yärdäm kürsätä. Bolarnıñ başında Finlyandiyä belän Şveśiyä tora,”-dide Bäkir Bozdağ.

Ministr älege ike däwlätneñ Törkiyä taläp itkän Fätxullaxçı häm PKK terrorçı oyışmalarınıñ ber genä äğ’zasın da tapşırmawların assızıqlap bolay dip däwam itä: “Törkiyägä bäyä birüçelär monnan soñ üzläre sikerep kilgän noqtanı kürep bäyä birsen. Terrorçı oyışmaların Törkiyädän östen kürüçelär yalğış yulnı saylawlarınıñ yuğaltu kiterüen kürsen”.



Bäyläneşle xäbärlär