Ärdoğan Şveśiyä häm Finlyandiyäneñ NATOğa quşıluına qarşı ikänlegen belderde

Törkiyä ilbaşı ike däwlätneñ dä terrorçı oyışmalarına qarşı nıqlı, açıq poziśiyäse bulmawın söyläde

1827931
Ärdoğan Şveśiyä häm Finlyandiyäneñ NATOğa quşıluına qarşı ikänlegen belderde

Törkiyä ilbaşı Räcäp Tayyip Ärdoğan NATOğa kerü prośessları belän bäyle söyläşü öçen Törkiyägä kiläçäkläre belderelgän Finlyandiyä häm Şveśiyä delegaśiyäläre turında belderü yasadı. “Bezne künderü öçen kiläçäklär alaysa, gafu itegez, arıp yörmäsennär,”-dide ul.

Ärdoğan ike däwlätneñ dä terrorçı oyışmalarına qarşı nıqlı, açıq poziśiyäse bulmawın söyläde. İlbaşı bolay dip däwam itte: “Barınnan da bigräk, Törkiyägä qarata sankśiyä kertüçelärneñ bu prośess waqıtında iminlek ittifağı NATOğa kerülärenä bez “riza” dimäyäçäkbez”.

Şveśiyä häm Finlyandiyä tışqı êşlär ministrları Ênn Linde häm Pekka Xaavisto illäreneñ NATOğa quşılu ğarizaları turında söyläşü öçen Törkiyägä kiläçäklären beldergän ide.



Bäyläneşle xäbärlär