Şveśiya Törkiyägä wäkillegen cibärä
Şveśiya xökümäte NATOğa äğ’za buluın söyläşü öçen Törkiyägä diplomatlardan torğan wäkillekne cibärü qararına kilüen belderde
Şveśiya Tışqı êşlär ministrı Ann Linde xakimiyättä bulğan “Sośial’ demokrat” partiyasınıň ileneň NATOğa äğ’zä bulu öçen möräcäğät itüe turındağı qararnı bäyäläw öçen bik yaqın waqıtta başqala Änkarağa wäkillek cibäräçägen citkerde.
Şveśiyanıň NATO äğ’zalege möräcäğätenä qarşı Rusiyäneň reakśiyasın da bäyäläwçe Linde: “Rusiyä bezneň mäydan çiklärebezne bozdı, bezneň naśist buluıbız turında dezinformaśiya kampaniyaların başlatıp cibärdelär. Kiber höcümnär arttırılaçaq häm çik buyıbızda xäräkätlelek yäşänäçäk”, - dip äytte.
“Sośial’ demokrat” partiyası citäkçelegeneň kiçäge cıyılışında NATOğa kerü öçen möräcäğät itü qararı qabul itelgän ide.
Şul uq waqıtta Germaniya başqalası Berlinda NATO Tışqı êşlär ministrlarınıň räsmi bulmağan cıyılışında Linde belän oçraşqan Törkiyä Tışqı êşlär ministrı Mäwlüt Çavuşoğlu Şveśiyanıň häm Finlyandiyanıň “PKK/YPG” separatist terror oyışmasına açıqtan-açıq yaqlaw kürsätüenä basım yasap:
"Bu da xalqıbıznıň sizgerlegenä tiskäre yoğıntı yasıy, bezneň küz aldıbızda böten kisätülärebezgä qaramastan. Şuňa kürä berlektäş bulaçaq il açıqtan-açıq “PKK/YPG”gä, här kön bezgä höcüm itkän, ğaskärilärebezne, poliśiya xezmätkärlärebezne şähit itkän terror oyışmasına bulışmasqa tiyış,” – dip belderde.
