Törkiyä İlbaşı: “(Finlyandiyanıň NATOğa äğ’za buluına) Bez uňay qaramıybız”
İlbaşı Räcäp Tayyip Ärdoğan Finlyandiyanıň NATOğa äğ’zalek barışı belän bäyle bularaq: "Skandinaviya illäre, qızğanıç, terror oyışmalarınıň äyterseň qunaqxanäse kebek. Şuňa kürä moňa uňay qarawıbız mömkin tügel,” - dide
İlbaşı Ärdoğan İstanbulda matbuğat wäkilläreneň könüzäk mäs’älälärgä qağılışlı sorawlarına cawap birde.
Finlyandiyanıň NATOğa äğ’zalek barışına tuqtalıp uzuçı Ärdoğan:
"Bez xäzerge waqıtta Şveśiya häm Finlyandiya belän bäyle täräqqıyätlärne küzätep torabız. Fäqät bez uňay qaraşta tügel. Moňarçı bezdän êlekke citäkçeleklär Greśiyanıň belän bäyle bularaq NATO mäs’äläsendä yalğış yasadılar. Greśiyanıň NATOnı da arqasına alıp Törkiyägä qarata totışın beläsez. Bu mäs’älädä ikençe yalğışnı Törkiyä bularaq yasarğa telämibez”, - dip äytte.
"Skandinaviya illäreneň terror oyışmalarınıň äyterseň qunaqxanäse kebek buluına” basım yasawçı Ärdoğan: "“PKK”sı, “DHKPC”se andağı parlamentlarğa da kergän. Şuňa kürä moňa (Finlyandiyanıň NATOğa äğ’za buluına) uňay qarawıbız mömkin tügel”, - dip belderde.
