Ministr Çavuşoğlunıň Awrupa köne yullaması
Tışqı êşlär ministrı Mäwlüt Çavuşoğlu Törkiyäneň strategik maqsatı bulğan Awrupa Berlege äğ’zalege barışı qısalarında här ölkädä xezmättäşlekne häm dialognı üsterü öçen konstruktiv säyäsätne alıp barırğa däwam itüen belderde
Ministr Çavuşoğlu 9nçı may Awrupa köne mönäsäbäte belän yazmaça yullama yasadı.
Awrupa bötenläşüeneň häm Awrupa Berlegeneň nigezen salğan Şuman Deklaraśiyasınıň 72 yıllığın böten Awrupa xalıqları belän bergä Törkiyädä dä Awrupa köne bularaq qotlanuın belderüçe Çavuşoğlu, Rusiyä belän Ukraina arasında 24nçe fevral’dän birle däwam itüçe suğışqa tuqtalıp uzıp:
"21nçe ğasırda Awrupanıň urtasında yäşängän häm bezne äyterseň 1940nçı yıllar Awrupasına kire qaytarğan Ukrainadağı tragediya barıbız öçen kisätü işaräte. Salqın suğıştan soňğı iminlek miğmarisen tamırdan üzgärtäçäk bu suğış Awrupanıň kiläçäge cähätennän dä borılış noqtası”, - dip äytte.
Çavuşoğlu, Awrupa proyıktınıň küp yanawlar belän sınaluına basım yasap: "Qaynar suğış häm bäreleşlär belän bergä global’ bilgesezleklär, klimat üzgäreşläre, ênergiya bäylelege, terrorçılıq häm tärtipsez migraśiya Awrupağa nıq täêsir itä. Ayıruça diskriminaśiya, ksenofobiya häm İslamofobiya kebek çiktän tış ağımnar Berlekneň bergä yäşäw kul’turasınıň zıyan kürüenä säbäp bula häm Awrupa östenä salınğan urtaq qıymmätlärne nigezennän qaqşata”, - dide.
Törkiyäneň namzät il häm NATO berlektäşe bularaq Awrupa aldındağı böten şuşı sınawlarnıň çişeleşendä töp il buluın iskärtep uzuçı ministr Çavuşoğlu: "Garçä, bigräk tä Awrupa Berlege êçendä qayber törkemnär waqıt-waqıt ilebezne köndäşçe häm xätta yanaw bularaq kürsälär dä, Törkiyä salqın suğış çorında bulmasın, annan soň bulmasın, Awrupanıň iminlege öçen küp fidakärlek yasap, qıytğanıň totrıqlılığına häm mullığına möhim öleş kertte. Törkiyä strategik maqsatı bulğan Awrupa Berlege äğ’zalege barışı qısalarında här ölkädä xezmättäşlekne häm dialognı üsterü öçen konstruktiv säyäsät alıp baruın däwam itä”, - dip belderde.
