Törkiyä Parlamentı başlığı Bosniya-Hersegovinada
Törkiyä Böyek Millät Mäclese Başlığı Mostafa Şäntop: “Törkiyä bularaq Bosniya-Hersegovina belän bergä böten Balkannıñ tınıçlığına häm totrıqlılığına zur ähämiyät biräbez, monı yaqlıybız häm monıñ daimi buluı öçen qulıbızdan kilgänne yasıybız”
Räsmi säfär qısalarında Bosniya-Hersegovinada bulğan Şäntop Törkiyäneñ Balkandağı böten illär belän yaxşı mönäsäbätlärgä iyä buluın häm bu mönäsäbätlärneñ töbäk tınıçlığı häm totrıqlılığı öçen bik zur ähämiyätkä iyä buluın belderde.
Bosniyanıñ häm bosniyalılarnıñ Törkiyädä yäşäwçe 85 million keşeneñ yörägendäge urınınıñ üzgä buluın äytüçe Şäntop: “Bez härwaqıt sezneñ belän bergä”, - dip basım yasadı.
Rusiyä-Ukraina arasındağı suğışqa da tuqtalıp uzuçı Mostafa Şäntop: “Bu şunı kürsätte: dönyada berqayçan da suğışlarnıñ, bäreleşlärneñ, köç qullanunıñ häm monı yasawçılarnıñ hiçber ilgä faydası yuq, näq’ kiresençä zararı bar. Keşelärneñ monnan sabaq aluı kiräk”, - dip äytte.
Dön’yanı, şul isäptän Awrupanı häm Balkannı tınıçlıq häm totrıqlılıq êçendä häm suğış çıqmayaçaq itep totunıñ möhimlegenä iğ’tibarnı yünältüçe Törkiyä Böyek Millät Mäclese Başlığı: “Bez yäşägän şuşı Ukrana krizisı iminlekne häm tınıçlıqnı urnaştıraçaq çaralar kürüneñ böten illär öçen ähämiyäten kürsätte”, - dip belderde.
