Çavuşoğlu Braziliyädä

Törkiyä tışqı êşlär ministrı Mäwlet Çavuşoğlu Braziliyägä räsmi säfäre qısalarında êşmäkärlär belän oçraştı. Bu xaqta ul üzeneñ Twitter akkauntında yazdı.

“San-Pauluda êşmäkärlär belän Braziliyädä säwdä mönäsäbätlären tağın da arttıraçaq adımnar häm investiśiyä mömkinleklären qaradıq” dide Çavuşoğlu.

Ministr soñınnan Törkiyäneñ San-Pauludağı konsullığınıñ yaña binasınıñ açılış tantanasında qatnaştı. Ul ike däwlät arasında tirän tamırlı duslıq häm strategik xezmättäşlek bäyläneşläre buluın belderde.

Çavuşoğlu Braziliyäneñ ähämiyäten assızıqlap: “Ul Latin Amerikasında bezneñ iñ zur säwdä xezmättäşebez, tik bügenge oçraşularda şunı kürdek - êşmäkärlär belän 5 milliard dollarlıq säwdä äyläneşe bezneñ mömkinleklärdän artta qala. Maqsatlarıbız zur,”-dide.

Çavuşoğlu Braziliyäne Bäysezlek köne belän dä qotladı. “Braziliyäneñ bäysezlekkä iltkän yulda 21nçe aprel’ Tiradentes köneneñ ähämiyäten beläm. Tiradentes könegez belän dä, Braziliyäneñ bäysezlegenä 200 yıl tulu belän dä çın küñeldän qotlıym,”-dide ministr.

Çavuşoğlu Latin Amerikası turın 23nçe aprel’dä Urugvaydan başladı, annan Braziliyäneñ säwdä üzäge San-Pauluğa kitte.