İlbaşı Ärdoğan: “Balalar tınıç yoqlarğa tiyış”

Ärdoğan İstanbul Başakşähir Millät baqçasında oyıştırılğan 23nçe aprel’ TRT Törkiyä teleradiokompaniyası balalar bäyrämendä çığış yasadı.

İlbaşı Ärdoğan: "Balalar qurqu astında tügel, tınıç yoqlarğa tiyış. 23nçe aprel’neñ balalarıbızğa büläk itelüeneñ artında näq’ menä şuşı xıyal bar ide. Bez dönyanı balalarğa birgän kön tağın da vöcdanlı, tağın da yaratuçan bulaçağın küräçäkbez”, - dip äytte.

Törkiyäneñ kön’yağında distälärçä meñ balanıñ ğomere özelgän, yözlärçä meñ bala yätim qalğan, distälärçä meñ bala Awrupa belän bergä dönyanıñ dürt ber yağında xäbärsez yuğalğan tragediyanıñ äle dä däwam itüenä iğ’tibarnı yünältüçe Ärdoğan:

"Tön’yağıbızda ikençe ayın tämamlağan (Rusiyä-Ukraina) suğışınıñ da mixnätle näticälär tudırıp däwam itüen borçılıp küzätäbez. Mondıy çorlarda balalarnıñ yöräklärendäge saf söyüenä, alarnıñ tormışıbıznı maturaytqan yılmayuına, şatlığına, qağıluına härwaqıttan tağın da kübräk ixtiyacıbız buluına ışanam. Suğışlarnı tuqtatu, krizislarnı beterü, iminlek häm xozur atmosferasın kiñäytü öçen bez kürsätkän ğayrätlärneñ iñ möhim motivaśiya çığanağı balalar.

Balalarnıñ qolaqlarında bomba tawışları tügel, näq’ menä biredä bulğanı kebek yäş’täşläreneñ şat tawışları yañğırarğa tiyış. Balalarnıñ yöräkläre kiyırenkelek belän tügel, söyü, êntuziazm, ömet belän tibärgä tiyış. Balalar qurqu astında tügel, tınıç yoqlarğa tiyış.

Änkarada cıyılğan Böyık Millät Mäcleseneñ açılış datası bulğan, şuna kürä dä milli köräşebezneñ iñ kritik borılış noqtası bulğan 23nçe aprel’neñ balalarıbızğa büläk itelüeneñ artında näq’ menä şuşı ışanu, şuşı xıyal bar ide. Şuşı uq räweşle ilebezgä sıyınğan härkemne, ämma bigräk tä balalarnı bik zur iğ’tibar belän saqlap yaqlawıbıznıñ säbäbe dä şuşı qaraş totışı”, - dip belderde.