"Törkiyäneñ ähämiyäten barısı da kürde"

“Ukraina krizisında Törkiyäneñ ähämiyäten härkem kürde,”-dide Törkiyä tışqı êşlär ministrı Mäwlet Çavuşoğlu. Ul ber şäxsi telekanalda könüzäk mäs’älälärgä bäyä birde.  

Çavuşoğlu Awrupa häm AQŞ belän mönäsäbätlärneñ uñayğa taba baruı belän bergä tamğaxanä berlege, viza irege, timer häm qorıç salımnarın beterü şikelle mäs’älälärdä alğarış belän bäyle sorawğa cawap itep söyläşüdä uñay çalımnar buluın, tik konkret adımnar kiräklegen äytte.

“Ukraina krizisında Törkiyäneñ ähämiyäten barısı da kürde, tik monıñ waqıtlıça poziśiyä bulmawı kiräk. Kiçä dä ähämiyätebez kürenä ide, irtägä isä Törkiyäneñ üz regionı häm anıñ tışında qıymmäte tağın da artaçaq,”-dip söyläde ministr.

AQŞnıñ Törkiyägä qarata kertkän CAATSA sankśiyäläreneñ beterelüe mäs’äläsendäge täräqqıyät’lär turındağı sorawğa Çavuşoğlu bolay dide: “Alarğa süzebez ütä başlawın küräbez, ber çişeleş yulı tabarğa tırışabız. AQŞ liderı Djo Bayden belän ilbaşıbıznıñ oktyabr’dä, İtaliyädäge G20 sammitı qısalarında uzğan oçraşuında Bayden täq’dim itkän strategik mexanizm tözelde. Ministr urınbasarları däräcäsendä Änkarada söyläşü uzdırdıq. 18nçe mayda Vaşingtonda ministrlar däräcäsendä oçraşaçaqbız”.  

S-400 häm F-35 krizislarına çişeleşlär tabu turında qızıqsınuçılarğa isä Çavuşoğlu: “Bu mönäsäbät däwam itsä, xäzer bulmasa da, aldağı çorda tabılaçağına ışanam,”-dip cawap birde.